Die Spookjakkals
Henri BoscoPascalet woon op 'n plaas saam met sy ouers,
tant Martine en Gatzo wat op 'n sonderlinge manier
'n lid van die familie geword het. Snags verskyn
daar 'n vreemde dier op die dorsvloer. Dit is
'n wit gedaante, skaars meer as 'n skim, wat soos
'n jakkals lyk en onaards kan tjank. Pascalet
verwonder hom te meer aan die verskynsel,
omdat die diergedaante blykbaar 'n geheimsinnige
aantrekkingskrag op Gatzo uitoefen. Die plaaslewe
gaan maar sy rustige gang. Pascalet en Gatzo
gaan nou skool by die merkwaardige broer Théopiste.
Maar gedurig bly die geheim van die spookjakkals
hulle terg •.. Kort voor lank lei hul soektog
hulle na die eiland in die rivier. Watter verband
is daar tussen die dogtertjie wat deur Sigeuners
gevange gehou word en die jakkals met wie Gatzo
in 'n geveg op lewe en dood gewikkel raak?
Ander lotgevalle van Pascalet en sy mense word
vertel in Die Ligte Voetstap (Kadet Nr. 7) en
Die Seun en die Rivier (Kadet Nr. 13).